അമിതമായി ഭക്ഷണം കഴിച്ചിട്ടും നിങ്ങളുടെ അരക്കെട്ടിന് ചുറ്റും വണ്ണം കൂടിവരുന്നത് വല്ലാത്ത ബുദ്ധിമുട്ടുണ്ടാക്കുന്നുണ്ടോ? ആത്മവിശ്വാസം നഷ്ടപ്പെടുന്നുണ്ടോ? പ്രായമാകുന്നതുകൊണ്ടാകും എന്ന് ആശ്വസിച്ച് അതിനോട് പൊരുത്തപ്പെട്ടുപോകുന്നവരും ഉണ്ടാവാം. ഇന്ത്യയില് മധ്യവയസ് കഴിഞ്ഞ മിക്ക സ്ത്രീകളും നേരിടുന്ന പ്രശ്നമാണിത്. വയറിലെ ഈ കൊഴുപ്പ് സ്ത്രീകളില് ഇന്സുലിന് പ്രതിരോധത്തിന്റെ ആദ്യ ബാഹ്യ ലക്ഷണമാണെന്ന് മെഡിക്കല് വിദഗ്ധര് ഊന്നി പറയുന്നു.
സ്ത്രീകള് മധ്യവയസിലേക്കെത്തുമ്പോള് ഈസ്ട്രജന്, പ്രൊജസ്ട്രോണ്, ഇന്സുലിന് ഹോര്മോണുകള് തമ്മിലുളള സുരക്ഷിതമായ കണക്ഷന് മാറാന് തുടങ്ങുന്നു. ഈസ്ട്രജന് ഹോര്മോണിന്റെ അളവ് കൂടുകയോ വ്യത്യാസം വരികയോ ചെയ്യുമ്പോള് ശരീരം സ്വാഭാവികമായും ശരീരത്തിന്റെ താഴത്തെ ഭാഗത്തുനിന്നും അടിവയറ്റിലേക്ക് കൊഴുപ്പ് തള്ളുന്നു. ഇത് വണ്ണം വയ്ക്കുക എന്ന കേവലമൊരു ഒരു സൗന്ദര്യ പ്രശ്നം മാത്രമല്ല നിങ്ങളുടെ കോശങ്ങള് ഇന്സുലിനോട് പ്രതികരിക്കുന്നില്ല എന്നതിന്റെ സൂചന കൂടിയാണ്.
ഇന്സുലിന് കൊഴുപ്പ് സംഭരിക്കുന്ന ഒരു ഹോര്മോണ് ആയതിനാല് ഉയര്ന്ന അളവില് ഇതുണ്ടാവുമ്പോള് ശരീരത്തിന് കൊഴുപ്പ് കത്തിക്കുന്നത് സ്വാഭാവികമായി ബുദ്ധിമുട്ടുണ്ടാക്കുന്നു. അപ്പോള് ശരീരം സ്ഥിരത നിലനിര്ത്താന് അമിതമായി പരിശ്രമിക്കേണ്ടിവരുന്നു. ശരീരത്തിന്റെ ഈ പോരാട്ടം അരക്കെട്ടിന്റെ വലിപ്പം വര്ധിക്കുന്നതിലേക്ക് നീങ്ങുന്നു.
വ്യായാമവും ചിട്ടയായ ഭക്ഷണക്രമവും പാലിച്ചിട്ടും നിങ്ങള്ക്ക് ശരീരഭാരം വര്ദ്ധിക്കുന്നുണ്ടെങ്കില് ഒരു പ്രൊഫഷണല് കണ്സള്ട്ടേഷനു സമയമായി എന്നാണ് അര്ഥം
(ഡല്ഹിയിലെ സികെ ബിര്ള ആശുപത്രിയിലെ പ്രസവചികിത്സ, ഗൈനക്കോളജി ഡയറക്ടര് ഡോ. ത്രിപ്തി രഹേജ ,ഇന്റേണല് മെഡിസിന് ആന്ഡ് പ്രിവന്റീവ് ഹെല്ത്ത് സ്പെഷ്യലിസ്റ്റായ ഡോ. ശ്രദ്ധേയ് കത്യാര് എന്നിവര് ഒരു ദേശീയ മാധ്യമത്തിന് നല്കിയ വിവരങ്ങളില്നിന്ന്)
Content Highlights :Unexpected weight gain around the waist in women is not just a sign of aging. Doctors suggest causes and solutions